"عندي تحفظات على الإخراج" ريهام سعيد تكشف رأيها في"وننسى اللي كان"

كشفت الإعلامية والفنانة ريهام سعيد، عن رأيها في مسلسل "وننسى اللي كان" الذي عرض في موسم دراما رمضان وخاض بطولته ياسمين عبدالعزيز وكريم فهمي. 

وقالت ريهام سعيد: "محبتش أكتب غير لما اتفرجت .. أنا بتفرج وفاهمة اني هشوف تمثيل سيء ومسلسل وحش .. ازاي؟ ازاي ؟ ازاي؟ ازاي؟.. سمعت ناس بتقول إن ياسمين تمثيلها سيء؟ إزاي؟ دي أحسن مرة مثلت في حياتها، وبعدين محدش جاب سيرة كريم .. هو في كدة؟ كريم لا يمكن تصدق أو نحس لحظة أنه مش بدر إزاي عبقري كدة". 

وتابعت: "ممثل بارع وممثلة بارعة ومسلسل مكتوب تحفة.. دي حتى إنجي كيوان نضجت نضوج سريع جدا حتى الفنانة اللي بتحب الجارد بتاعها موقف مبرر، الوحيد اللي حماها فطبيعي إنها تحبه". 

وأوضحت: "عندي تحفظات كبيرة على الإخراج بس ياسمين عبد العزيز وكريم فهمي وكل الكاست أبدع يا كدابين". 

وأضافت: "مش طبيعي الأراء اللي ظهرت دي ابتديت أصدق موضوع اللجان المأجورة.. ألف مبروك لكل كاست العمل .. حقيقي استمتعت".